Похвала Пресвятой Богородицѣ.

[Волчица]

Похвала Пресвятой Богородицѣ.

Ангельское удивленіе, Апостольская преславная похвала, пророческая высокая проповѣдь, святителямъ изрядное украшеніе, мученикамъ крѣпкое утвержденіе, инокамъ спасеніе, Богу присвоеніе, чистымъ матерямъ дѣвственнымъ тихое веселіе, младенцамъ мудрость и наказаніе, вдовѣ и сиротѣ кормительница, труждающимъ благое покоище, посникамъ изнемогающимъ воздержность, плѣннымъ избавленіе, нагимъ одѣяніе, болящимъ здравіе, обидящимъ покровительница, въ бѣдахъ сущимъ скорая помощница, молитвенница о душахъ нашихъ; въ путяхъ легкое прихожденіе, въ заблужденіи нетрудная наставница, по морю плавающимъ, не бурями обуреваемая, тихое пристанище, ненадежнымъ надѣяніе. Ты — мати чадолюбивая, Богоизбранная отроковица, Богообрядная невѣста, чистая, непорочная, начало закона, стопа непоколебимая, глубина неизмѣримая, благодать неизчерпаемая, несвѣдомое чудо, родшая Іисуса Христа, царя и Бога нашего, грозная огненная колесница, нося въ кіотѣ Духа Святого, тѣла Христова, еретикамъ пагуба, мечу ярость. Спаси, Господи, и сохрани мора и прещенія Духа Святого тѣла Христова. Ты — чаша и чара разстворенная, нѣже вина и елея, Духа Святого. Спаси, Господи, и сохрани обитель и домъ сей. Ты еси — изъ Царицъ Царица, небеснаго Царя Мати, всѣхъ творяй святая-святѣйшая, на небеси ухвалимая, по землѣ славимая, ангельскаго ума палата, Духа Святаго кадило благоуханное, порфира боготканная, багряница небеснаго престола, звѣзда свѣтлозарная, небеснаго орла гнѣздо, орлица богоглаголивая, тихая и смирная. Спаси и сохрани грады наши, страны наши, святыя церкви Сына твоего единороднаго отъ нашествія иноплеменники, междоусобныя брани. Подай, Господи, для растворенія воздуха, земныхъ плодовъ твоихъ, младенцевъ напитай, юныя наставь, младость мою поддержи и сохрани. Препояши меня, Господи, поясомъ своимъ, силою честнаго и животворящаго Креста, предстательствомъ пророка предтечева, крестителя Господня Іоанна. Помилуй насъ, Господи, всякаго бого-отвѣтанедоумѣющаго сію Ти молитву, яко Владычицѣ, грѣшніи приносимъ: помилуй насъ!