МОЛИТВА НА ОСВЯЩЕНИЕ ВОДЫ

[Олива]

МОЛИТВА НА ОСВЯЩЕНИЕ ВОДЫ

"Боже велико-именитый, творяй чудеса, имже несть числа! Прийди к молящимся рабом Твоим, Владыко: посли Дух Твой Святый и освяти воду сию, и даждь ей благодать избавления и благословения Иорданово: сотвори ю источник нетления, освящения дар, грехом разрешение, недугов исцеление, бесом погибель, противным силам неприступну, Ангельския крепости исполнену: яко да вси почерпающии ю и преемлющии от нея имеют на очищение души и тела, на исцеление вредом, в изменение страстем, во оставление грехов, в отгнание всякого зла, на окропление и освящение домов и на всяку пользу подобну.

И елика ащо что в домех, или на место правоверно живущих сия вода окропит, да отымется всяка нечистота,да избавит от всякого вреда, ниже тамо да водворяется дух губительный, ниже воздух вредящий, да отбежит всякое мечтание и навет крыющагося врага, и аще нечто есть, еже, или здравию живущих завидит, или покою, окроплением сия воды да отразится.

Яко да благословися и прославися пречестное и великолепное имя Твое, Отца и Сына и Святаго Духа, ныне и пристно и во веки веков.

Аминь. "